Hallveig Rúnarsdóttir sópran og Jónas Þórir organisti héldu fyrstu hádegistónleika haustsins í Bleikum október í Bústaðakirkju í dag, miðvikudaginn 2. október kl. 12:05. Við þökkum tónlistarfólkinu frábæra tónlist og skemmtun og ykkur öllum fyrir komuna. Hádegistónleikar verða á hverjum miðvikudegi í október. Sjá nánar dagskrána hér fyrir neðan. 

Bleikur október í Bústaðakirkju er dagskrá sem helguð er stuðningi við þau fjölmörgu sem glíma við krabbamein og aðstandendur þeirra. Dagskráin samanstendur af hádegistónleikum alla miðvikudaga kl. 12:05, fræðsluerindum á miðvikudögum og sunnudögum, sem og helgihaldi í anda yfirskriftarinnar: Miðaldir í helgihaldi og tónlist. Kynnið ykkur dagskrána og verið hjartanlega velkomin á Bleikan október í Bústaðakirkju. 

Fimm ára börn fengu afhenta bókina Litla Biblían í fyrstu barnamessu haustsins í Bústaðakirkju. Karen Jóhannsdóttir leiddi stundina, ásamt fleirum. Þórður Sigurðarson formaður afhenti bókina f.h. sóknarnefndar. Við þökkum öllum sem mættu og hlökkum til að sjá ykkur næst. 

Séra Sigurður Rúnar Ragnarsson fyrrum sóknarprestur á Neskaupsstað og prestur í Mosfellsbæ mun þjóna í afleysingum í Fossvogsprestakalli til áramóta. Við bjóðum séra Sigurð Rúnar hjartanlega velkominn til starfa.

Bústaðakirkja óskar eftir að ráða drífandi og lausnarmiðaðan einstakling í starf kirkjuvarðar og umsjónarmanns safnaðarheimilis. Um er að ræða 70-100% starf sem heyrir undir framkvæmdastjóra kirkjunnar. Viðkomandi þarf að búa yfir framúrskarandi samskiptahæfni og einstakri þjónustulund.

Bókin Gimsteinninn miðlar boðskap Biblíunnar um frið. Höfundur bókarinnar er séra Þorvaldur Víðisson og útgefandi er Kirkjuhúsið-Skálholtsútgáfan. Kirkjuhúsið kallaði eftir umsögnum um bókina, en nokkrar þeirra birtast hér. Bókin fæst m.a. í Kirkjuhúsinu, á neðri hæð Bústaðakirkju.

Þjóðkirkjan og önnur kristin trúfélög í landinu halda sameiginlega bænastund í anda friðar og einingar. Stundin fer fram í Hallgrímskirkju laugardaginn 7. september kl. 17.00. Stundin er öllum opin, verið hjartanlega velkomin til þátttöku. 

Ketill Ágústsson flutti frumsamið lag og texta, barnakór Grafarvogs og Fossvogs söng undir stjórn Auðar Guðjohnsen og Eddu Austmann. Kammerkór Bústaðakirkju söng undir stjórn Jónasar Þóris. Biskup Íslands, frú Guðrún Karls Helgudóttir flutti ávarp og blessun. Prestar Fossvogsprestakalls, starfsfólk og sjálfboðaliðar lásu, báðu og fluttu hugvekju í messu sem verður útvarpað sunnudaginn 8. september nk. 

Opið er fyrir nýtt söngfólk í Kirkjukór Grensáskirkju. Opnar æfingar verða fyrir áhugasama mánudagana 16., 23. og 30. september nk. kl. 17:30-19:00. Nánari upplýsingar veitir Ásta Haraldsdóttir, organisti Grensáskirkju. Verið hjartanlega velkomin í Kirkjukór Grensáskirkju. 

Konurnar okkar í Kirkjukór Grensáskirkju, Sigga, Hulda, Hellen, Matta og Kristín voru heiðraðar á nýliðnum kirkjudögum sem fram fóru í Lindakirkju í Kópavogi. Heiðursverðlaun kirkjunnar, Liljan, voru afhent þeim sem sungið höfðu í yfir 30 ár í kirkjukórum. Innilega til hamingju með viðurkenninguna.

Litrík dagskrá er framundan í kirkjustarfi Bústaðakirkju og Grensáskirkju. Barnamessur, fjölskyldumessur, kyrrðar- og fyrirbænastundir, félagsstarf eldri borgara, Kvenfélagsfundir, foreldramorgnar, karlakaffi, Tólf spora starf Vina í bata, æskulýðsfélagið Poný, kirkjuprakkarar og TTT, fermingarfræðslan og messuþjónastarf, svo eitthvað sé nefnt. Verið hjartanlega velkomin til þátttöku í kirkjustarfinu í vetur. 

Kirkjudagar standa yfir þessa dagana. Hápunktur þeirra verður vígsla nýs biskups, séra Guðrúnar Karls Helgudóttur, sem fram fer í Hallgrímskirkju sunnudaginn 1. september nk. kl. 14. Allir eru velkomnir til þátttöku í kirkjudögunum. Endilega kynnið ykkur betur hina fjölbreytta og áhugaverðu dagskrá.