Sunnudagskvöldið 2. júlí kl. 20 syngur Gréta Hergils einsöng í guðsþjónustunni í Bústaðakirkju. Við erum öll velkomin á sumarlega stund í kirkjunni okkar. 

Marteinn Snævarr Sigurðsson tenór syngur einsöng í kvöldmessu í Bústaðakirkju, sunnudaginn 18. júní kl. 20:00. Verið hjartanlega velkomin í Bústaðakirkju. 

Anna Sigríður Helgadóttir syngur einsöng í kvöldmessu í Bústaðakirkju sunnudaginn 11. júní nk. kl. 20:00. Verið hjartanlega velkomin.

Séra Eva Björk Valdimarsdóttir prédikar og þjónar fyrir altari í útvarpsmessu dagsins á Rás eitt, sunnudaginn 11. júní nk. kl. 11. Verið hjartanlega velkomin í Grensáskirkju, eða að viðtækjunum. 

Vorhreingerning fór fram í Grensáskirkju í blíðskapar veðri, fimmtudaginn 1. júní sl. Formaðurinn, Erik Pálsson, er hér á þaki safnaðarheimilisins, því kirkjan var þrifin og hreinsuð hátt og lágt, og einnig lóðin. Við þökkum öllum innilega fyrir þátttökuna.

Allar kvöldmessur sumarsins í Bústaðakirkju munu skarta einsöngvurum úr Kammerkór Bústaðakirkju. Anna Klara Georgsdóttir ríður á vaðið núna um helgina við undirleik Jónasar Þóris organista. Verið hjartanlega velkomin í kvöldmessu í Bústaðakirkju.

Kvöldmessur fara fram í Bústaðakirkju kl. 20 í sumar. Altarisgöngur verða í messum Grensáskirkju kl. 11 í sumar. Verið hjartanlega velkomin til helgihaldsins í Bústaðakirkju og Grensáskirkju í sumar. 

Skólaslit Skólahljómsveitar Austurbæjar og Nýja tónlistarskólans fara fram í Grensáskirkju á þessu vori. Við fögnum því að kirkjan sé vettvangur slíkrar uppbyggilegrar og jákvæðrar samveru. 

Í guðsþjónustu í Grensáskirkju sunnudaginn 21. maí sl. fór fram útskrift úr Leiðtogaskóla þjóðkirkjunnar. Þar eru á ferð framtíðar leiðtogar, sem biskup Íslands, ásamt svæðisstjóra og presti Grensáskirkju fögnuðu á útskriftardegi. 

Frábærri sýningu nemenda Fjölbrautarskólans við Ármúla í safnaðarheimili Grensáskirkju lauk í gær, á uppstigningardegi. Við þökkum innilega fyrir samstarfið í vetur. 

Kvenfélag Bústaðasóknar, prjónahópurinn og eldri borgarastarfið fóru í vorferðir. Hólmfríður Ólafsdóttir djákni hélt utan um skipulagningu og dagskrá. Með kærum þökkum fyrir samfylgdina í vetur. Verið hjartanlega velkomin í starfið í haust. 

Handverkssýning fór fram í anddyri Bústaðakirkju að lokinni guðsþjónustu á uppstigningardegi. Hátíðarkaffi var síðan í safnaðarheimilinu. Myndir frá deginum má sjá hér. Við þökkum öllum fyrir komuna. Verið hjartanlega velkomin í Bústaðakirkju.