Fréttir
  • Date
    29
    2024 April

    Vinir Hjálparstarfs kirkjunnar koma saman

    Vinir Hjálparstarfs kirkjunnar koma saman í safnaðarheimili Grensáskirkju mánudaginn 29. apríl kl. 12:00 og snæða saman. Öll sem hafa áhuga á starfi Hjálparstarfs kirkjunnar og vilja leggja starfinu lið eru hjartanlega velkomin. 

  • Date
    22
    2024 April

    Aðalsafnaðarfundur Bústaðasóknar fór fram á sunnudaginn

    Aðalsafnaðarfundur Bústaðasóknar fór fram sunnudaginn 21. apríl sl., að lokinni messu. Við þökkum öllum komuna á aðalsafnaðarfund Bústaðasóknar og fyrir þátttökuna í helgihaldi dagsins. 

  • Date
    20
    2024 April

    Séra Þorvaldur Víðisson ráðinn prófastur

    Séra Þorvaldur Víðisson prestur í Fossvogsprestakalli hefur verið ráðinn prófastur í Reykjavíkurprófastsdæmi vestra frá 1. júní nk. Við biðjum honum blessunar í þeim nýju verkefnum, en hann mun áfram þjóna sem prestur í Fossvogsprestakalli, samhliða skyldum prófasts. 

  • Date
    19
    2024 April

    Séra Daníel Ágúst leiddi biblíulestur á Presta- og djáknastefnu

    Séra Daníel Ágúst Gautason æskulýðsprestur Fossvogsprestakalls leiddi annan biblíulestur Presta- og djáknastefnu sem fram fór í Stykkishólmskirkju. Á myndinni má sjá séra Daníel Ágúst í pontu fyrir framan altarið og að baki honum hin stórkostlega altaristafla eftir Kristínu Gunnlaugsdóttur.

     

  • Date
    19
    2024 April

    Heimsókn frá Frobenius orgelsmíði

    Eskild Momme frá Frobenius orgelverksmiðjunni í Danmörku kom í heimsókn í Bústaðakirkju fyrir skömmu. Við þökkum Eskild fyrir komuna.

  • Date
    15
    2024 April

    Aðalsafnaðarfundur fór fram í Grensáskirkju

    Aðalsafnaðarfundur Grensássóknar fór fram í safnaðarheimili Grensáskirkju að lokinni messu sunnudaginn 14. apríl sl. kl. 12:05. Hefðbundin aðalfundarstörf fóru fram. Við þökkum ykkur þátttökuna í helgihaldi dagsins og á aðalsafnaðarfundi Grensássóknar. 

  • Date
    11
    2024 April

    Sýning nemenda Fjölbrautarskólans við Ármúla í safnaðarheimili Grensáskirkju

    Nemendur Fjölbrautarskólans við Ármúla héldu listasýningu í safnaðarheimili Grensáskirkju dagana 20. mars til 10. apríl sl. Hanna Jónsdóttir myndlistarkennari fór fyrir hópnum, en hér til hliðar má sjá hana ásamt hluta af nemendahópnum, þar sem þau komu saman í sýningarlok. Við þökkum gott og skemmtilegt samstarf. 

  • Date
    11
    2024 April

    Vinadagur í Bústaðakirkju

    Kátur hópur eldri borgara frá Álftanesi, Bessastaðakirkju, heimsótti eldriborgara starf Fossvogsprestakalls í Bústaðakirkju í gær, miðvikudaginn 10. apríl. Barnakór Fossvogsskóla söng fyrir gesti í kirkjunni. Við þökkum vinum okkar af Álftanesi fyrir komuna og hlökkum til að hitta þau aftur.

  • Date
    08
    2024 April

    Barnamessurnar í Bústaðakirkju á sínum stað

    Barnamessurnar fara fram í Bústaðakirkju á hverjum sunnudegi kl. 11. Síðasta sunnudag heimsóttu Rebbi refur og Fróði okkur og fræddu okkur um upprisuboðskapinn. Verið hjartanlega velkomin í barnamessu í Bústaðakirkju. 

  • Date
    04
    2024 April

    Útvarpsmessan verður úr Bústaðakirkju

    Útvarpsmessa úr Bústaðakirkju verður á dagskrá Rásar eitt, sunnudaginn 7. apríl nk. kl. 11. Síðan verður hægt að nálgast hana á spilara RÚV. Nánar um dagskrána hér. 

  • Date
    20
    2024 March

    Helgihald um bænadaga og páska - Opin kirkja

    Helgihald Fossvogsprestakalls um bænadaga og páska er hefðbundið. Helgihald verður á skírdagskvöld, föstudaginn langa, páskadag og annan í páskum í báðum kirkjum prestakallsins, Bústaðakirkju og Grensáskirkju. Opin kirkja í Grensáskirkju, mánudaginn 25. mars og þriðjudaginn 26. mars. Nánar hér. 

  • Date
    20
    2024 March

    Listasýning nemenda Fjölbrautarskólans við Ármúla haldin í Grensáskirkju

    Nemendur Fjölbrautarskólans við Ármúla halda þessa dagana listasýningu í safnaðarheimili Grensáskirkju. Við fögnum sýningu nemenda Fjölbrautarskólans við Ármúla og bjóðum gesti hjartanlega velkomna að líta verkin augum.