Vorhátíð ÆSKH var haldin á æskulýðsfundi í Grensáskirkju síðastliðinn þriðjudag, 7. maí. Þar var boðið upp á helgistund, útileikinn Capture the Flag og auðvitað hið klassíska sumargrill.

Grensáskirkja býður upp á sumarnámskeið vikuna 10.-14. júní fyrir börn á aldrinum 6-9 ára. 

Á heimasíðu Fossvogsprestakalls og á Spotify er nú hægt að nálgast lestur á völdum Biblíusögum. Mikilvægt er að nýta alla farvegi miðlunar til að koma sögum Biblíunnar á framfæri og er nú stigið það skref að miðla þeim á veraldarvefnum á máli sem börnin skilja. 

Í fyrstu maímessu Grensáskirkju fengum við góða gesti frá Skólahljómsveit Austurbæjar. C-sveit Skólahljómsveitarinnar mætti á svæðið og fyllti kirkjuna með fögrum og kröftugum tónum.

Hrafnhildur Helgadóttir hjúkrunarfræðingur annaðist um fræðslu fyrir foreldra ungra barna í Bústaðakirkju fimmtudaginn 2. maí sl. Við þökkum Hrafnhildi mjög svo áhugaverða fræðslu og samveru á þessum morgni í Bústaðakirkju. Eins þökkum við öllum þeim sem komu.

Skólahljómsveit Austurbæjar fór á kostum á tvennum tónleikum sem haldnir voru í Grensáskirkju og Bústaðakirkju. Við í kirkjunni erum þakklát fyrir frábært samstarf við Skólahljómsveit Austurbæjar og fyrir hið öflugu starf sem fram fer á vettvangi skólahljómsveitarinnar. 

Grensáskirkja býður upp á sumarnámskeið vikuna 10.-14. júní fyrir börn á aldrinum 6-9 ára. 

Sumardagurinn fyrsti haldinn hátíðlegur í Fossvoginum. Við þökkum vel heppnaðan dag og óskum ykkur gleðilegs sumars. 

Séra Petrína Mjöll Jóhannesdóttir, prestur í Árbæjarkirkju, var gestur í eldri borgarastarfinu í Bústaðakirkju í dag. Við þökkum séra Petrínu Mjöll fyrir að koma til okkar og fræða okkur og kynna bækur sínar. Við þökkum ykkur öllum sem komu í starfið í dag og hlökkum til að sjá ykkur næst. 

Fermingarbörn ársins 1964 voru boðin sérstaklega velkomin í tilefi af 60 ára fermingarafmæli þeirra til messu síðastliðin sunnudag og í hátíðarkaffi á eftir. 

Skráning er hafin í fermingarfræðslu næsta vetrar. Hægt er að velja fermingardag og fræðslu tíma í skráningunni. Afar mikilvægt er að skrá netfang sem fólk fylgist reglulega með.

Vinir Hjálparstarfs kirkjunnar koma saman í safnaðarheimili Grensáskirkju mánudaginn 29. apríl kl. 12:00 og snæða saman. Öll sem hafa áhuga á starfi Hjálparstarfs kirkjunnar og vilja leggja starfinu lið eru hjartanlega velkomin.