Mikil ánægja er með samstarf Bústaðakirkju og Tónlistarskólans í Grafarvogi, TónGraf og TónFoss. Samstarfið hófst haustið 2022 og hefur blómstrað í vetur. Þegar hefur verið opnað fyrir skráningar í tónlistarnámið næsta haust. Kynnið ykkur málið á vefsíðu skólans tongraf.is. 

Margt var um manninn og skemmtilegur dagur

Sunnudaginn 19. mars var mikið um að vera í Bústaðakirkju: Barnamessan um morguninn, kynning á Lútherskri hjónahelgi í hádeginu og Maríumessa í tilefni Boðunardags Maríu. 

Kristján Gíslason, Hringfari, heimsótti eldri borgarastarf Bústaðakirkju, miðvikudaginn 15. mars sl. Við þökkum honum innilega fyrir fróðlegt erindi og góða samveru. 

Sunnudaginn 12. mars sl. var boðið upp á fræðslufund um sorg og viðbrögð við missi. Fundurinn fór fram í Grensáskirkju í kjölfar messu og sóttu 40-50 manns fræðsluna. 

Ásta Haraldsdóttir er kantór Grensáskirkju og Jónas Þórir er kantór Bústaðakirkju. Það var glatt yfir þeim á þessum sólríka og kalda fimmtudegi 16. mars, eins og sést á myndinni.

Fimmtudaginn 16. mars heimsótti Elín Elísabet Jóhannsdóttir fjölskyldu- og uppeldisfræðingur foreldramorgun í Bústaðakirkju. Foreldramorgnar fara fram hvern fimmtudag kl. 10 í Bústaðakirkju, gengið er inn af Bústaðavegi.Verið hjartanlega velkomin.

Skólahljómsveit Austurbæjar lék nokkur vel valin lög í barnamessu í Bústaðakirkju, sunnudaginn 12. mars sl., undir stjórn Snorra Heimissonar stjórnanda. Verið hjartanlega velkomin í barnamessurnar í Bústaðakirkju.

Kirkjuprakkarastarfið og TTT hófst þriðjudaginn 7. mars og stendur fram yfir páska. Verið hjartanlega velkomin í barnastarfið í Fossvogsprestakalli. 

Foreldramorgnar fara fram á hverjum fimmtudagsmorgni kl. 10 í Bústaðakirkju. Gengið er inn af Bústaðavegi. Stundum fáum við góða gesti í heimsókn, líkt og við gerðum fimmtudaginn 23. febrúar sl. Þá kom Carolina Schinder í heimsókn. Við þökkum Carolinu innilega fyrir komuna, fræðsluna og þátttökuna á foreldramorgni í Bústaðakirkju. 

Rósa Björg Brynjarsdóttir umsjónarkona Skjólsins sagði stuttlega frá starfinu í Skjólinu og svaraði spurningum. Næst munu vinir Hjálparstarfs kirkjunnar koma saman mánudaginn 27. mars nk. kl. 12. Vertu hjartanlega velkomin.

Tónlistarmessa fór fram á konudaginn í Bústaðakirkju. Allar konur fengu afhenda rós frá kirkjunni í tilefni dagsins. Boðið var upp á molakaffi að athöfn lokinni. Með kærum þökkum til allra sem komu að dagskránni og til allra sem sóttu Bústaðakirkju heim á konudaginn.