Séra Sigurður Rúnar Ragnarsson mun þjóna í Fossvogsprestakalli

Séra Sigurður Rúnar Ragnarsson fyrrum sóknarprestur á Neskaupsstað og prestur í Mosfellsbæ mun þjóna í afleysingum í Fossvogsprestakalli til áramóta. Séra María G. Ágústsdóttir er tímabundið í þjónustu fyrir norðan, við Glerárkirkju, en séra Sigurður Rúnar mun leysa af í prestakallinu í hennar fjarveru. Hann mun njóta skrifstofuaðstöðu í Grensáskirkju. 

Séra Sigurður Rúnar vígðist á sínum tíma til þjónustu í Mosfellsbæ en starfaði síðan í 20 ár sem sóknarprestur á Neskaupsstað.

Við bjóðum séra Sigurð Rúnar hjartanlega velkominn til starfa.