Kirkjuprakkarar í Grensáskirkju eru á aldrinum 6-9 ára (1.-4. bekk). Foreldrar skrá börn sín til þátttöku með því að fylla út skráningarupplýsingar, hér á heimasíðunni, eða með því að senda upplýsingarnar á netfangið daniel@kirkja.is. Það er ókeypis að taka þátt. Umsjónarmenn starfsins og leiðtogar sækja börnin sem skráð eru yfir í Krakkakot, frístundarheimili Hvassaleitisskóla og fylgja þeim yfir í Grensáskirkju, sé þess óskað. Börn sem ekki eru í Hvassaleitisskóla geta mætt beint í Grensáskirkju. Að starfinu loknu er börnunum fylgt í frístundaheimilið eða forráðamenn sækja börnin í kirkjuna eða þau bjarga sér heim, sjá skráningarblaðið.  

Hvar?

Í Grensáskirkju, safnaðarheimilinu og kirkjunni. Gengið inn um aðaldyr kirkjunnar.

Tölum um tilfinningar

Yfirskirftin að þessu sinni er Tölum um tilfinningar. Öll verðum við glöð, reið, leið og allt annað á milli. Það kallast að vera mannleg.

Tilfinningaskalinn er víður og mikilvægur. Tilfinningarnar okkar eiga rétt á sér en við þurfum að hugsa um hvernig við notum og tjáum þær. Þessa önnina ætlum við að tala um tilfinningarnar okkar. Við munum segja sögur úr Biblíunni og tala um hvernig þessar sögur geta hjálpað í okkar daglega lífi.

Hvenær?

Á þriðjudögum kl. 14:50-16:00 og einn sunnudag kl. 11:00. 
Dagsetningar
Þriðjudaginn 23. janúar
Þriðjudaginn 30. janúar
Þriðjudaginn 6. febrúar
Þriðjudaginn 13. febrúar
Þriðjudaginn 20. febrúar
Þriðjudaginn 27. febrúar
Sunnudaginn 3. mars- Uppskeruhátið í fjölskyldumessu

 

Verið hjartanlega velkomin í kirkjuprakkara í Grensáskirkju.