TTT - Tíu-til-tólf ára starf

Tíu til tólf ára starf í Grensáskirkju

TTT - Tíu til tólf ára starfið í Grensáskirkju er eins og nafnið gefur til kynna starf fyrir öll börn á aldrinum 10-12 ára (5.-7. bekk). Foreldrar skrá börn sín til þátttöku með því að fylla út skráningarupplýsingar, hér á heimasíðunni, eða með því að senda upplýsingarnar á netfangið solveig@kirkja.is. Það er ókeypis að taka þátt. Börnin mæta sjálf í starfið í safnaðarheimili Grensáskirkju en gengið er inn um aðaldyr kirkjunnar. 

Hér er hægt að skrá sig í starfið hér. 

Kærleikur og vinátta með Jesú í skapandi leik og list.

Yfirskriftin að þessu sinni er Kærleikur og vinátta með Jesú í skapandi leik og list. Við munum kynnast lífi og starfi Jesú Krists og efla vináttuna með því að tjá kærleiksboðskapinn í gegnum leik og listir. Jafnframt munum við vinna með sjö jákvæð gildi í góðum samskiptum með því að segja Biblíusögur og skapa list sem tengjast gildunum. Með þessari vinnu viljum við efla tengsl barnanna, dýpka skilning þeirra á gildunum og styrkja sjálfsmynd þeirra. Gildin sem fjallað verður um eru: vinátta, fyrirgefning, samkennd, gleði, traust, virðing og þakklæti.

Hvenær?

Á þriðjudögum kl. 16:30-18:00 og einn sunnudag kl. 11:00. 

Dagsetningar

Þriðjudaginn  3. febrúar
Þriðjudaginn  10. febrúar
Þriðjudaginn 17. febrúar
Þriðjudaginn 24. febrúar
Þriðjudaginn 3. mars
Þriðjudaginn  10. mars

Sunnudaginn 15. mars kl. 11.00 – 12.30.
 

Uppskeruhátið í fjölskyldumessu kl.11:00 í Grensáskirkju og sýning á verkum barnanna.

Hjartanlega velkomin(n)

Verið hjartanlega velkomin í TTT, tíu-til-tólf ára starf í Grensáskirkju.