Fermingarfræðsla í Fossvogsprestakalli

Við fræðumst um trú, kirkju, kærleika, ást og vináttu. Lífið og tilgang þess. Umhverfi okkar, gagnrýna hugsun og hvað það þýðir að vera manneskja. Við leggjum áherslu á virðingu fyrir öllum trú- og lífsskoðunarfélögum. Við viljum gefa börnunum tækifæri til að taka upplýsta ákvörðun um að gera Jesú Krist að leiðtoga og fyrirmynd. Við nálgumst þetta mikilvæga viðfangsefni á fjölbreyttan hátt með samtali, fyrirlestrum, myndböndum, leikjum og þátttöku í helgihaldi og æskulýðsstarfi

Skráning fer fram hér

Hvar og hvenær?

Fermingarfræðslan hefst á haustnámskeiði fyrir öll fermingarbörn Fossvogsprestakalls.

• 16. - 18. ágúst  kl. 09:00 – 12:00.
• 16. ágúst mæta þau í kirkjuna sína, Grensáskirkju eða Bústaðakirkju
• 17. ágúst verðum við öll í Grensáskirkju
• 18. ágúst verðum við öll í Bústaðakirkju

Fræðslan í vetur verður svo

• í Bústaðakirkju á miðvikudögum kl. 15:30 og 16:30
• í Grensáskirkju á fimmtudögum kl 15:30 

Hægt er að velja um þessa þrjá fræðslutíma þegar þið skráið ykkur

Ferð í Vatnaskóg!

Einn af hápunktum vetrarins er fermingarnámskeið í Vatnaskógi þar sem við dveljum í tvo daga. Farið verður í Vatnaskóg 21.-22. september. Brottför er kl. 8:00 frá Grensáskirkju og 08:15 frá Bústaðakirkju og komið til baka um kaffileytið daginn eftir. Þetta verður allt auglýst betur síðar.

Þátttaka í messum og æskulýðsstarfi!

Fermingarbörnin eiga að koma minnst 2 sinnum í æskulýðsstarfið, 2 sinnum í barnamessu eða fjölskyldusamveru og 6 sinnum í almenna guðsþjónustu. Þær eru kl. 11 í Grensáskirkju, kl. 13 í Bústaðakirkju á veturna en kl. 20 í Bústaðakirkju á sumrin. Foreldrar eru hvattir til að koma með.

Í messunum munum við að taka tillit til annarra kirkjugesta og að í kirkjunni erum við á helgum stað.

Hjálparstarf

Í fermingarfræðslu Fossvogsprestakalls tökum við þátt í söfnun fyrir vatnsverkefni Hjálparstarfs kirkjunnar

Kostnaður

Fermingarfræðslugjaldið er samkvæmt gjaldskrá Prestafélags Íslands 23.388 krónur (https://prestafelag.is/gjaldskra/) en innifalið í því eru öll námsgögn. Auk þess greiða börnin 2000 krónur fyrir fermingarkyrtli. Fyrir utan þetta er Vatnaskógarferðin en sérstaklega er greitt hana 12.000 kr. fyrir rútu og mat í Vatnaskógi. Ef fólk á í greiðsluerfiðleikum þá biðjum við ykkur að láta okkur vita.