Æskulýðsstarf
Æskulýðsfélagið Pony er æskulýðsfélag fyrir krakka í 8.-10. bekk. Æskulýðsfundirnir fara fram í safnaðarheimili Grensáskirkju, gengið inn um aðalinnganginn, á þriðjudögum klukkan 20.00-21.30. Félagið er samstarfsverkefni Bústaðakirkju og Grensáskirkju. Þátttaka er ókeypis.
Æskulýðsfélagið er vettvangur krakka til að leika, læra og efla bænalíf sitt í góðu og heilbrigðu umhverfi. Áhersla er á að hafa dagskránna fjölbreytta og skemmtilega. Félagið tekur virkan þátt í viðburðum og mótum ÆSKÞ.
Umsjón með æskulýðsstarfinu hafa Daníel Ágúst Gautason, æskulýðsprestur, sr. Eva Björk Valdimarsdóttir, Hilda María Sigurðardóttir og Viktoría Ásgeirsdóttir. Upplýsingar um starfið veitir Daníel á daniel@kirkja.is.
Hægt er að finna alla helstu barna- og æskulýðssöngva á síðunni lofgjord.com.