Góðvild, réttlæti og sannleikur eru þemu sunnudagsins 7. ágúst 2022. Guðsþjónusta með altarisgöngu fer fram í Grensáskirkju klukkan 11. Verið hjartanlega velkomin. 

Í Fossvogsprestakalli, Bústaðakirkju og Grensáskirkju, biðjum við sérstaklega fyrir þeim sem eru á faraldsfæti um helgina. Megi góður Guð vaka yfir öllum sem eru á ferðalagi og skila öllum heilum heim.

Hvað er lesmessa? Jú, þá er allt lesið, en lítið sungið. Lesmessan fer fram í Bústaðakirkju sunnudagskvöldið 24. júlí kl. 20.

Anna Sigríður Helgadóttir alt söng Swing low og fleiri perlur með syngjandi sveiflu í kvöldmessu í Bústaðakirkju sunnudaginn 17. júlí sl. kl. 20. Jónas Þórir, kantor, lék á hammond, sem gaf stundinni sérstakan og skemmtilegan blæ. Þau leiddu jafnframt almennan safnaðarsöng þar sem sálmar með syngjandi sveiflu voru aðallega á dagskrá auk Taize sálma. 

Hvað er að trúa? Hvað þýðir hugtakið trú í þínum huga? Voru meðal spurninga sem séra Þorvaldur Víðisson velti upp í hugleiðingu kvöldsins, en hann þjónaði fyrir altari ásamt Daníel Ágúst Gautasyni djákna og messuþjónum.  

Helgihaldið í Bústaðakirkju í sumar fer fram á sunnudögum klukkan 20. Þar er um að ræða heimilislegt helgihald með sálmum, bænum og hugleiðingu.

Árleg sumarlokun Grensáskirkju verður dagana 17. júlí til 1. ágúst. Helgihald Fossvogsprestakalls fer fram í Bústaðakirkju á meðan á lokuninni stendur. Gleðilegt sumar.

Anna Sigríður Helgadóttir alt syngur einsöng í kvöldmessu í Bústaðakirkju sunnudaginn 17. júlí kl. 20. Jónas Þórir, kantor, leikur á hammond. Þau munu jafnframt leiða safnaðarsöng þar sem sálmar með syngjandi sveiflu verða aðallega á dagskrá.

Hvað er að trúa? Hvað þýðir hugtakið trú í þínum huga? Eru meðal þeirra spurninga sem textar dagsins fjalla um. Séra Þorvaldur Víðisson leiðir stundina ásamt messuþjónum.

Helgihaldið í Bústaðakirkju í sumar fer fram á sunnudögum klukkan 20. Þar er um að ræða heimilislegt helgihald með sálmum, bænum og hugleiðingu.

Verið hjartanlega velkomin.

Sunnudaginn 10. júlí klukkan 20 verður kvöldmessa í Bústaðakirkju. Taize sálmar og fleiri sálmar og heimilislegt helgihald með bænum og hugleiðingu. Félagar úr Kammerkór Bústaðakirkju leiða söng undir stjórn Jónasar Þóris kantors. Hólmfríður Ólafsdóttir djákni leiðir stundina ásamt messuþjónum. Verið hjartanlega velkomin.

Sunnudaginn 10. júlí klukkan 11 verður messa með altarisgöngu í Grensáskirkju. Mildi og miskunnsemi eru þeir tónar sem slegnir eru í textum dagsins sem er fjórði sunnudagur eftir þrenningarhátíð. Kór Grensáskirkju syngur undir stjórn Kristínar Waage, þar sem nýlegir sálmar verða í fyrirrúmi. Séra Þorvaldur Víðisson þjónar fyrir altari ásamt messuþjónum. Verið hjartanlega velkomin.

Tónlistarskólinn í Grafarvogi mun í haust starfrækja forskóla og barnakór í Bústaðakirkju. Sótt er um í Tónlistarskólann í Grafarvogi á rvk.is.

Örn Árnason leikari fór á kostum er hann leiðbeindi messuþjónum og starfsfólki Fossvogsprestakalls varðandi framsögu síðastliðið sunnudagskvöld. Verið velkomin í hóp messuþjóna í Bústaðakirkju og Grensáskirkju!

Skólahljómsveit Austurbæjar heldur skólaslit í Grensáskirkju mánudaginn 30. maí kl. 17.

Útvarpsmessa uppstigningardags var send út frá Bústaðakirkju í beinni útsendingu á Rás eitt Ríkisútvarpsins. Hólmfríður Ólafsdóttir djákni prédikaði, Kammerkór Bústaðakirkju söng undir stjórn Jónasar Þóris kantors. Jóhann Friðgeir Valdimarsson og Margrét Hannesdóttir sungu einsöng. Laufey Erla Kristjánsdóttir las ritningarlestra og séra Þorvaldur Víðisson þjónaði fyrir altari. Uppstigningardagur er dagur aldraðra í kirkjunni. Bestu þakkir fyrir samveruna.