Grunnboðskapur jólanna fjallar um frið, mildi og kærleika. Textar helgihaldsins um jól og áramót eru ríkir af mildi og kærleika, návist Guðs og blessun. Prédikanir aftansöngs og helgihaldsins um hátíðarnar fjölluðu m.a. um þetta. 

Séra Aldís Rut Gísladóttir, séra Jón Ásgeir Sigurvinsson og séra Solveig Lára Guðmundsdóttir munu koma inn í afleysingarþjónustu í Fossvogsprestakalli í sex vikna leyfi séra Maríu G. Ágústsdóttur, frá 1. janúar - 14. febrúar. Við þökkum þeim framlag þeirra til þjónustunnar í prestakallinu. 

Gleðilega hátíð. Við minnum á helgihald í Bústaðakirkju og Grensáskirkju um áramótin. Tökum jafnframt undir hvatningu SAMAN hópsins um að fjölskyldur gleðjist saman um áramótin. 

Góð þátttaka var í helgihaldi og dagskrá Fossvogsprestakalls um jólin. Starfsfólk Bústaðakirkju og Grensáskirkju þakkar samfélag og samstarf á liðnu ári og tekur undir hvatningu SAMAN hópsins um að fjölskyldur hafi það gaman saman um áramótin. 

Hátíðardagskráin í Bústaðakirkju og Grensáskirkju er rík um jólin. Verið hjartanlega velkomin til þátttöku. Sjá nánar hér. 

Aðventan er gjarnan erilsamur tími í kirkjum landsins, en senn koma jól. Verið hjartanlega velkomin til kirkju um hátíðarnar. 

Kvenfélag Bústaðakirkju og Bleikur október í Bústaðakirkju veittu Ljósinu, endurhæfingarmiðstöð Langholtsvegi 43, fjárstuðning að fjárhæð 400 þ.kr. Hrefna Guðnadóttir formaður Kvenfélagsins fylgdi gjöfinni eftir ásamt prestum safnaðarins. 

Aðventuhátíð Grensáskirkju fór fram á öðrum sunnudegi í aðventu, 4. desember 2022 klukkan 17. Fermingarbörn sýndu ljósahelgileik og fiðlusveit frá Suzukitónlistarskólanum lék. 

Margir hafa tekið þátt í verkefninu "Ný sálmabók fyrir gamla", en fleiri mega bætast í hópinn. Endilega taktu þátt.

Skemmtilegt er að sjá hinar ýmsu úrlausnir sem sendar hafa verið inn vegna "Orðs vikunnar". Nýtt orð hefur verið birt, en það er orðið aðventa. Hægt er að taka þátt og senda inn svör án þess að upplýsa um nafn sitt. Endilega sendið okkur vangaveltur ykkar.

Aðventuhátíð Bústaðakirkju fór fram fyrsta sunnudag í aðventu, 27. nóvember kl. 17. Barnakór TónGraf og TónFoss söng ásamt Kammerkór Bústaðakirkju fyrir troðfullri kirkju. Víðir Reynisson flutti hátíðarræðu.

Jóhann Friðgeir og Jónas Þórir fluttu nokkur Elvislög á samveru heldriborgara í Fossvogsprestakalli miðvikudaginn 23. nóvember.