Einar Þorsteinsson formaður borgarráðs, flutti hátíðarræðu, Barnakór Fossvogs söng, ásamt Kammerkór Bústaðakirkju, við undirleik Jónasar Þóris. Tendrað var á kertaljósum í lok stundarinnar þar sem allir kirkjugestir tóku undir og sungu Heims um ból. 

Aðventan er rétt handan við hornið. Undirbúningurinn er í fullum gangi í kirkjunni.

Á fimmtudagsmorgnum milli 10 og 12 er glatt á hjalla í Grensáskirkju. Í morgun kom hún Erla með jólakúlur sem hún hefur búið til úr gömlum ljósaperum. 

Skólahljómsveit Austurbæjar fyllti Grensáskirkju af fallegum og kröftugum tónum í fjölskyldumessu.

Hjónin séra Solveig Lára Guðmundsdóttir, fv. vígslubiskup á Hólum og séra Gylfi Jónsson, voru gestir eldri borgarastarfsins í dag. Við þökkum þeim hjónum innilega fyrir komuna og ykkur öllum fyrir þátttökuna. Verið hjartanlega velkomin í eldri borgarastarfið í Bústaðakirkju. 

Fyrir framan hvaða hana má alls ekki leggja bílum?

Þegar óvissa ríkir líkt og á Reykjanesi og í Grindavík um þessar mundir þá er bænin mikilvæg. Við skulum sameinast í bæn fyrir Grindvíkingum. Sameinast í þeirri bæn að góður Guð bægi allri hættu frá, verndi íbúa og innviði og byggð í Grindavík og á Reykjanesi. 

Fermingarbörnin í Bústaðakirkju og Grensáskirkju gengu í hús í gær, miðvikudaginn 8. nóvember sl. Fjármagnið sem safnaðist verður nýtt til að reisa vatnsbrunna í Afríku. Við þökkum öllum fyrir þátttökuna og fyrir framlögin öll til fermingarbarnasöfnunarinnar, þetta árið.

Séra Daníel Ágúst Gautason var settur inn í embætti æskulýðsprests við hátíðlega athöfn í Grensáskirkju, sunnudaginn 5. nóvember sl. Þar fór einnig fram uppskeruhátíð barnastarfsins og fjölskyldustöðvamessa. Við þökkum ykkur innilega fyrir samveruna. 

Vonin var umfjöllunarefni þeirra vígslubiskupshjóna í prédikun og ávarpi sunnudagsins í Bústaðakirkju. Við þökkum þeim innilega fyrir komuna og samfélagið.

Um 1000 manns sóttu hádegistónleika í Bleikum október í Bústaðakirkju. Dagskráin var fjölbreytt og glæsileg og viðtökur gesta frábærar. Aðgangur var ókeypis á alla tónleikana, en tónleikagestir lögðu margir fram fjármagn til stuðnings Ljósinu og keyptu einnig Bleiku slaufuna. Við þökkum þessum frábæru listamönnum samstarfið og ykkur öllum komuna. 

Tangódans var stiginn á síðustu hádegistónleikunum í Bleikum október í Bústaðakirkju. Dásamlegur dans og dásamleg tónlist. Bestu þakkir öll fyrir komuna.