Freyja einhyrningur fer á flakk í barnamessunum.

Bænin er máttug, hún veitir styrk þegar óvissa ríkir, hún gefur ljós þar sem myrkur er, hún eflir félagsauðinn og kærleikann í samfélaginu. Tökum öll þátt í því að biðja fyrir Grindvíkingum á þessum hamfaratímum. 

Skráning hafin í barnastarfið

Verið hjartanlega velkomin til kirkju um áramótin og á nýju ári. Jafnframt tökum við undir hvatningu SAMAN hópsins og hvetjum fjölskyldur til að hafa gaman saman um áramótin. Gleðilega hátíð.  

Fjölmennt jólaball var haldið í Bústaðakirkju miðvikudaginn 27. desember. Góður gestur mætti með látum og með góðgæti í poka.

Í dag, föstudaginn 22. desember, afhentu fulltrúar Bústaðasafnaðar og Kvenfélags Bústaðasóknar Ljósinu, endurhæfingarmiðstöð, fjárstyrk að fjárhæð kr. 500.000.- Þar var um að ræða afrakstur tónleikaraðar í Bleikum október í Bústaðakirkju og fjárstyrk frá Kvenfélagi Bústaðasóknar.  

Glæsilegir jólatónleikar kóra Grindavíkurkirkju fóru fram í Bústaðakirkju í gærkvöldi, miðvikudagskvöldið 13. desember kl. 20. Fyrir tónleikana afhentu fulltrúar Kvenfélags Bústaðasóknar og Bústaðasafnaðar gjafir til Grindvíkinga. Við þökkum kórum Grindavíkurkirkju glæsilega tónleika í Bústaðakirkju. 

Dagskrá helgihaldsins í Bústaðakirkju og Grensáskirkju um jól og áramót má finna hér. Aftansöngur verður að venju í kirkjum prestakallsins á aðfangadagskvöld kl. 18 og eru aðrir hefðbundnir dagskrárliðir jóla og áramóta á sínum stað. Verið hjartanlega velkomin í kirkju um jól og áramót.

Aðventuhátíð Grensáskirkju fór fram 10. desember sl. kl. 17. Frú Agnes M. Sigurðardóttir, biskup, sem flutti hátíðarræðu. Fermingarbörnin sýndu ljósa-helgileik. Margrét Hannesdóttir, sópran, söng einsöng. Kirkjukór Grensáskirkju söng. Við þökkum ykkur öllum dásamlega samverustund í Grensáskirkju.  

Kórar Grindavíkurkirkju halda góðgerðartónleika í Bústaðakirkju miðvikudagskvöldið 13. desember kl. 20. Tónleikunum verður streymt í opnu streymi og tekið verður við frjálsum framlögum á tiltækt reikningarnúmer til stuðnings Grindvíkingum.

Einar Þorsteinsson formaður borgarráðs, flutti hátíðarræðu, Barnakór Fossvogs söng, ásamt Kammerkór Bústaðakirkju, við undirleik Jónasar Þóris. Tendrað var á kertaljósum í lok stundarinnar þar sem allir kirkjugestir tóku undir og sungu Heims um ból. 

Aðventan er rétt handan við hornið. Undirbúningurinn er í fullum gangi í kirkjunni.