Gengið í gleði

Gengið var í gleði frá Hallgrímskirkju í dag, laugardaginn 11. ágúst, líkt og gert er ár hvert í gleðigöngunni.

Sólin skein yfir miðbæ Reykjavíkur sem var pakkfullur af fólki. Öll sem þarna voru mætt voru með það markmið að fagna í gleði og sýna hinsegin samfélaginu stuðning. 

ÆSKÞ, Æskulýðssamband Þjóðkirkjunnar, tók þátt í göngunni líkt og síðastliðin ár.

Þessi fríði og fjölbreytti hópur gekk í gleðigöngunni fyrir hönd ÆSKÞ. Mætingin var í besta lagi og gleðin einkenndi þátttakendur. Meðal þátttakenda voru æskulýðsbörn, æskulýðsleiðtogar, starfsfólk safnaða og biskupsstofu, prestar, djáknar og biskupar.

Fleiri myndir úr göngunni má sjá hér fyrir neðan.