Um 1000 manns sóttu hádegistónleika í Bleikum október í Bústaðakirkju. Dagskráin var fjölbreytt og glæsileg og viðtökur gesta frábærar. Aðgangur var ókeypis á alla tónleikana, en tónleikagestir lögðu margir fram fjármagn til stuðnings Ljósinu og keyptu einnig Bleiku slaufuna. Við þökkum þessum frábæru listamönnum samstarfið og ykkur öllum komuna. 

Tangódans var stiginn á síðustu hádegistónleikunum í Bleikum október í Bústaðakirkju. Dásamlegur dans og dásamleg tónlist. Bestu þakkir öll fyrir komuna. 

Valdimar og Jónas Þórir léku lög Magga Eiríks á hádegistónleikum í Bleikum október í Bústaðakirkju, í dag. Séra Eva Björk Valdimarsdóttir leiddi bæn í lok tónleikanna. Við þökkum Valdimari og Jónasi Þóri dásamlega tóna og tónleikagestum innilega fyrir komuna.

Sunnudaginn 22. október nk. kl. 11 mun biskup Íslands vígja mag. theol. Daníel Ágúst Gautason til þjónustu æskulýðsprests við söfnuði Fossvogsprestakalls. Söfnuðir prestakallsins og samstarfsfólk Daníels Ágústs fagna þessum ánægjulegu tímamótum. 

Rúmlega 200 manna æskulýðsmót var haldið á Egilsstöðum um helgina. Fossvogsprestakall tók auðvitað þátt.

Séra María G. Ágústsdóttir er nýr sóknarprestur. Barnakór Fossvogs, Kirkjukór Grensáskirkju, Karlakór KFUM, Kvennakórinn Ljósbrot, Skólahljómsveit Austurbæjar, gítartríó, þverflaututríó og einleiksatriði frá Tónlistarskóla TónFoss, voru meðal atriða í helgihaldi Bústaðakirkju og Grensáskirkju í dag.  

Dásamlegir tónleikar Svans Vilbergssonar í Bleikum október í Bústaðakirkju. Bestu þakkir Svanur fyrir tónleikana og bestu þakkir þið öll sem mættuð, fyrir samveruna.

Leiðtogaskólinn hófst í dag

Það var allt í köku í barnastarfinu síðasta þriðjudag! Og það var sko gaman.

Frá og með 1. október 2023 gegnir sr. María Guðrúnar. Ágústsdóttir þjónustu sóknarprests í Fossvogsprestakalli. Hún er með skrifstofu í Grensáskirkju. 

Takk fyrir hlýjar móttökur á Bessastöðum, í Bessastaðakirkju og safnaðarheimilinu á Álftanesi. Þetta var góður dagur.