Kirkjustarf fyrir alla aldurshópa, söngur og samvera, bænir og gleði
Litrík dagskrá er framundan í kirkjustarfi Bústaðakirkju og Grensáskirkju.
Barnamessur verða á sínum stað í Bústaðakirkju alla sunnudaga kl. 11 og fjölskyldumessur einu sinni í mánuði í Grensáskirkju. Hefðbundið helgihald fer fram í Grensáskirkju alla sunnudaga kl. 11, þar sem iðulega er gengið til altaris. Hefðbundið helgihald fer fram í Bústaðakirkju kl. 13 alla sunnudaga.
Kyrrðar- og fyrirbænastundir fara fram í Grensáskirkju í hádeginu alla þriðjudaga kl. 12-12:30, léttur hádegisverður í boði að bænastund lokinni. Hægt er að hringja inn eða senda tölvupóst og óska eftir fyrirbænum.
Félagsstarf eldri borgara fer fram í Bústaðakirkju alla miðvikudag kl. 13-16. Fjölbreytt dagskrá framundan.
Kvenfélagsfundir fara fram í Bústaðakirkju annan mánudag í hverjum mánuði klukkan 20 og prjónakaffi þriðja mánudag í hverjum mánuði kl. 20. Prjónakaffi fer fram í Grensáskirkju á hverjum fimmtudagsmorgni kl. 10-12.
Foreldramorgnar eru gefandi stundir fyrir ungabörnin með foreldrum sínum alla fimmtudaga í Bústaðakirkju kl. 10-12.
Karlakaffið verður á sínum stað í Bústaðakirkju annan föstudag í mánuði kl. 10-11:30.
Tólf spora starf Vina í bata fer fram í Grensáskirkju alla fimmtudaga kl. 19:15-21:15. Opnir fundir verða dagana 5., 12. og 19. september. Kyrrðarbænastundir fara fram sömu daga kl. 18:15-18:45.
Æskulýðsfélagið Poný heldur sína fundi í Grensáskirkju öll þriðjudagskvöld kl. 20-21:30, en æskulýðsfélagið er ætlað ungmennum í 8.-10. bekk.
Kirkjuprakkarar og TTT eiga sína fasta pósta og fer starfið fram í Grensáskirkju valda þriðjudaga í haust.
Tónlistarskóli Grafarvogs mun bjóða upp á tónlistarkennslu í Bústaðakirkju þar sem jafnframt verður starfræktur barnakór Fossvogs og Grafarvogs.
Fermingarfræðslan fer fram í báðum kirkju, vikulega.
Ef þú hefur áhuga á að gerast messuþjónn, vertu þá hjartanlega velkomin til þátttöku, prestarnir taka við slíkum óskum.
Bakvaktarsími prestanna er 537-1250.
Verið hjartanlega velkomin til þátttöku í kirkjustarfinu í vetur.