Margir hafa tekið þátt í verkefninu "Ný sálmabók fyrir gamla", en fleiri mega bætast í hópinn. Endilega taktu þátt.

Skemmtilegt er að sjá hinar ýmsu úrlausnir sem sendar hafa verið inn vegna "Orðs vikunnar". Nýtt orð hefur verið birt, en það er orðið aðventa. Hægt er að taka þátt og senda inn svör án þess að upplýsa um nafn sitt. Endilega sendið okkur vangaveltur ykkar.

Aðventuhátíð Bústaðakirkju fór fram fyrsta sunnudag í aðventu, 27. nóvember kl. 17. Barnakór TónGraf og TónFoss söng ásamt Kammerkór Bústaðakirkju fyrir troðfullri kirkju. Víðir Reynisson flutti hátíðarræðu.

Jóhann Friðgeir og Jónas Þórir fluttu nokkur Elvislög á samveru heldriborgara í Fossvogsprestakalli miðvikudaginn 23. nóvember. 

Vinir Hjálparstarfs kirkjunnar munu hittast í safnaðarheimili Grensáskirkju mánudaginn 28. nóvember nk. og snæða saman aðventu- og jólamat. Viltu vera með?

Orð vikunnar er verkefni sem prestar og starfsfólk Fossvogsprestkalls setja í gang í tilefni af degi íslenskrar tungu, 16. nóvember 2022. Vikulega í vetur munu birtast ný orð á heimasíðu prestakallsins og almenningi gefst færi á að leggja orð í belg. Endilega kynntu þér málið og taktu þátt.

Ný sálmabók íslensku þjóðkirkjunnar er komin út. Þér gefst nú tækifæri á að styðja kirkjuna þína í Fossvogsprestakalli. Kynntu þér málið og vertu með.             

Fræðslu- og skemmtikvöld var haldið á dögunum í Grensáskirkju fyrir sjálfboðaliða og starfsfólk Fossvogsprestakalls. 

Grensáskirkja er vettvangur fjölbreyttrar kirkjulegrar þjónustu og ýmissa viðburða: Bókamessa, kirkjustarf fatlaðra og söfnun fermingarbarna til styrktar Hjálparstarfi kirkjunnar, svo nokkuð sé nefnt.

Aðalsteinn Ásberg gaf mikið af sér í eldri borgarastarfinu í Fossvogsprestakalli, sem fram fór í Bústaðakirkju 2. nóvember sl. Við þökkum honum innilega fyrir komuna. 

Blómlegum bleikum október í Bústaðakirkju 2022 er lokið.

Listahátíð barnanna fór fram í Bústaðakirkju sunnudaginn 30. október sl. kl. 11. Rúmlega 230 manns mættu í barnamessu dagsins, þar sem börn úr barnakór TónGraf og TónFoss mættu með stjórnendum sínum Eddu Austmann og Auði Guðjónsen og sungu dýrðleg lög fyrir þéttsetna kirkju.