Til þjónustu við lífið

Jólin verða hátíðleg í Bústaðakirkju og Grensáskirkju, í Fossvogsprestakalli. Aftansöngur og hátíðarguðsþjónustur á hefðbundnum tímum, eins og undanfarin ár. Dagskrá fyrir börnin á aðfangadag kl. 16 og jólaball sunnudaginn 28. desember kl. 15. Sjá nánar plakatið hér. Verið hjartanlega velkomin í Bústaðakirkju og Grensáskirkju um hátíðarnar. 

Aðventuhátíð Grensáskirkju fór fram 7. desember kl. 17. Inga Sæland, ráðherra, flutti hátíðarræðu. Fermingarbörnin gengu inn með ljósið um leið og allir sungu Bjart er yfir Betlehem. Guðbjörn Mar Þorsteinsson lék á selló í samspili með Ástu Haraldsdóttur organista. Kirkjukór Grensáskirkju söng undir stjórn Ástu Haraldsdóttur. Arnar Ásmundsson varaformaður sóknarnefndar flutti ávarp. Bjartmar Guðlaugsson og María Helena Haraldsdóttir sungu þrjú lög. Við þökkum öllum fyrir samveruna á aðventuhátíð Grensáskirkju. 

Árlegur jólafundur Kvenfélags Bústaðasóknar var haldinn mánudagskvöldið 8. desember 2025. Á fundinum voru heiðraðar tvær félagskonur fyrir störf sín fyrir félagið. Laufey Erla Kristjánsdóttir og Halldóra Guðmundsdóttir voru á fundinum gerðar heiðursfélagar Kvenfélags Bústaðasóknar. Selma Gísladóttir formaður Kvenfélags Bústaðasóknar afhenti þeim heiðursskjal af þessu tilefni. Laufeyju Erlu og Halldóru eru þökkuð þeirra dýrmætu störf og þjónusta fyrir Kvenfélagið og Bústaðasókn í gegnum áratugina og þeim óskað til hamingju með heiðursnafnbótina.