Til þjónustu við lífið

Árlegur jólafundur Kvenfélags Bústaðasóknar var haldinn mánudagskvöldið 8. desember 2025. Á fundinum voru heiðraðar tvær félagskonur fyrir störf sín fyrir félagið. Laufey Erla Kristjánsdóttir og Halldóra Guðmundsdóttir voru á fundinum gerðar heiðursfélagar Kvenfélags Bústaðasóknar. Selma Gísladóttir formaður Kvenfélags Bústaðasóknar afhenti þeim heiðursskjal af þessu tilefni. Laufeyju Erlu og Halldóru eru þökkuð þeirra dýrmætu störf og þjónusta fyrir Kvenfélagið og Bústaðasókn í gegnum áratugina og þeim óskað til hamingju með heiðursnafnbótina. 

Aðventuhátíð Grensáskirkju fer fram annan sunnudag í aðventu, 7. desember nk. kl. 17:00. Inga Sæland,ráðherra flytur hátíðarræðu. Strengjasveit Suzuki tónlistarskólans spilar, Kirkjukór Grensáskirkju syngur.Bjartmar Guðlaugsson og María Helena Haraldsdóttir syngja. Fermingarbörn lesa ritningarlestur. fArnar Ásmundsson flytur ávarp. Messuþjónar aðstoða við innganginn, að afhenda kerti. Verið hjartanlega velkomin á aðventuhátíð Grensáskirkju. 

Aðventuhátíð Bústaðakirkju fór fram fyrsta sunnudag í aðventu, 30. nóvember sl. kl. 17. Forsetahjónin Halla Tómasdóttir og Björn Skúlason tóku þátt í hátíðinni. Frú Halla flutti hátíðarræðu. Barnakór Fossvogs söng ásamt Kammerkór Bústaðakirkju, undir stjórn Jónasar Þóris organista. Húsfyllir var í kirkjunni og þökkum við öllum sem tóku þátt fyrir samveruna.