Til þjónustu við lífið

Skráning til fermingarfræðslu vegna 2026-2027 er hafin í Fossvogsprestakalli. Skráning fer fram hér á heimasíðunni, þar sem einnig er hægt að finna nánari upplýsingar um dagskrá og skipulag fræðslustarfsins. Verið hjartanlega velkomin til fermingarstarfa í Bústaðakirkju og Grensáskirkju. 

Sumardagurinn fyrsti var haldinn hátíðlegur í Fossvoginum fimmtudaginn 23. apríl sl. Dagskráin hófst í Bústaðakirkju með opnun listasýningar leikskólabarna í anddyri kirkjunnar kl. 11:00. Dagskráin og framkvæmdin öll er birtingarmynd hins mikla félagsauðs sem finna má í Fossvoginum, þar sem skólar, leikskólar, félagasamtök, skátar, kirkjan, Knattspyrnufélagið Víkingur, Skólahljómsveit Austurbæjar, borgin, Bústaðir, Hæðagarður o.fl. leggja sitt að mörkum í skipulagningu og framkvæmd. Við þökkum vel heppnaðan dag og óskum ykkur gleðilegs sumars.