Senn gengur fastan í garð.  Bolludagur, sprengidagur og öskudagur marka upphaf föstunnar.  Börnin bregða á leik og klæða sig upp en í kirkjunni er sjónum beint að þjáningu Krists.  Vers vikunnar að þessu sinni er fengið úr Lúkasarguðspjalli þar sem segir: „Nú förum við upp til Jerúsalem og mun allt það koma fram sem spámennirnir hafa skrifað um Mannssoninn.“ (Lúk 18.31)

Á sunnudegi í föstuinngangi komum við saman í Grensáskirkju kl. 11 og hlýðum á textann úr Markúsarguðspjalli er Jesús undirbýr lærisveina sína fyrir það sem koma skal.  Ásta Haraldsdóttir kantor kirkjunnar og kór Grensáskirkju leiða söfnuðinn í söng.  Sr. Sigríður Kristín þjónar fyrir altari ásamt messuþjónum.  

Heitt er á könnunni og sætur biti fyrir og eftir stundina.   

Verið öll hjartanlega velkomin í Grensáskirkju.