Guðsþjónusta fer fram í Grensáskirkju sunnudaginn 18. ágúst nk. kl. 11. Gengið verður til altaris. Séra Sigríður Kristín Helgadóttir nýráðin prestur Fossvogsprestakalls prédikar og þjónar fyrir altari ásamt messuþjónum. Kirkjukór Grensáskirkju syngur undir stjórn Ástu Haraldsdóttur organista. 

Hugleiðingarefni dagsins eru meðal annars spurningarnar: Hvað er að vera trúuð manneskja? Er það eitthvað sem hefst í fyrstu tilraun? Í Jesaja spádómsbók segir: Brákaðan reyrinn brýtur hann ekki sundur og dapran hörkveik slekkur hann ekki. (Jes. 42:3)

Verið hjartanlega velkomin í messu í Grensáskirkju.