Grensáskirkja 4. október kl. 11 - "Guði er ekkert um megn.“
Sunnudaginn 4. október kl. 11 er guðsþjónusta í Grensáskirkju.
Krakkasálmar, stund sem ungir leiðtogar leiða fyrir yngri börn fer fram á sama tíma í safnaðarheimili kirkjunnar.
Ásta Haraldsdóttir organisti kirkjunnar og Kirkjukór Grensáskirkju leiða söfnuðinn í söng.
Sr. Sigríður Kristín þjónar fyrir altari ásamt messuþjónum.
Heitt er á könnunni fyrir og eftir stundina.
Verið velkomin í Grensáskirkju.
Úlfaldi og nálarauga
Á sunnudaginn heyrum við orð Jesú úr Markúsarguðspjalli um auðmanninn, úlfaldann og nálaraugað.
"Lærisveinunum brá mjög við orð Jesú en hann sagði aftur við þá: „Börn, hve torvelt er að komast inn í Guðs ríki. Auðveldara er úlfalda að fara gegnum nálarauga en auðmanni að komast inn í Guðs ríki.“
En þeir urðu steini lostnir og sögðu sín á milli: „Hver getur þá orðið hólpinn?“
Jesús horfði á þá og sagði: „Menn hafa engin ráð til þessa en Guði er ekkert um megn.“