Fyrirbænastundir fara fram í Grensáskirkju í hádeginu alla þriðjudaga á komandi hausti og allan næsta vetur. Prestar kirkjunnar leiða stundirnar og Ásta Haraldsdóttir organisti spilar. 

Hægt er að óska eftir fyrirbænum, hringja inn beiðni þar um, eða mæta á staðinn og skrifa bænir sínar á þar til gerð bænablöð. 

Stundin hefst á orgelleik klukkan 12:00 og um klukkan 12:10 hefst bænastundin sjálf. Boðið er upp á létta hressingu að bænastundinni lokinni eða um klukkan 12:30.

Verið hjartanlega velkomin til hádegisbæna í Grensáskirkju, alla þriðjudaga í vetur.