Messa fer fram í Grensáskirkju á skírdagskvöld, fimmtudaginn 17. apríl nk. kl. 20:00. Kirkjukór Grensáskirkju syngur undir stjórn Ástu Haraldsdóttur organista. Séra Þorvaldur Víðisson flytur hugvekju og þjónar ásamt messuþjónum. 

Textar Biblíunnar á skírdagskvöld fjalla um er Jesús þvoði fætur lærisveina sinna og átti með þeim sína síðustu kvöldmáltíð. 

Í lok stundarinnar verður altarið afskrýtt. Þ.e. allt sem annars prýðir altari kirkjunnar, Biblían, kertaljósin, blómavasar, dúkar og klæði, verður fjarlægt. Fimm rauðar rósir verða settar á altarið í lok stundarinnar. 

Verið hjartanlega velkomin til þátttöku í helgihaldi skírdagskvölds í Grensáskirkju.