Vinir Hjálparstarfs kirkjunnar koma saman í safnaðarheimili Grensáskirkju mánudaginn 30. september nk. kl. 12 og snæða saman. Öll sem hafa áhuga á starfi Hjálparstarfsins og vilja leggja því lið eru velkomin. 

Yfir hádegisverðinum mun Bjarni Gíslason framkvæmdastjóri fjalla um áskoranir og árangur í starfinu. Aðalfundur Hjálparstarfs kirkjunnar vegna starfsársins 2023-2024 fer fram laugardaginn 28. september nk. og mun Bjarni því miðla nýjustu fréttum úr starfinu yfir hádegisverðinum. Mögulegt verður að spyrja Bjarna út í starfið.

Fyrir þau sem vilja glöggva sig á hinu víðfeðma og mikilvæga starfi Hjálparstarfs kirkjunnar þá má finna starfsskýrsluna hér. 

Tilkynna þarf þátttöku í hádegisverðinn á netfangið help@help.is eða í síma 528 4400 fyrir kl. 14 fimmtudaginn 26. september nk. Múlakaffi mun annast um veitingarnar að þessu sinni, en í boði verður steiktur fiskur ásamt meðlæti. Verð fyrir máltíðina er kr. 3.500.- og mun afraksturinn renna til Hjálparstarfsins. 

Öll sem áhuga hafa á starfi Hjálparstarfs kirkjunnar og vilja leggja starfinu lið er hjartanlega velkomin í hádegisverð í Grensáskirkju mánudaginn 30. september nk. kl. 12.