Kvöldmessa fer fram í Bústaðakirkju sunnudagskvöldið 11. ágúst nk. kl. 20. 

Sæberg Sigurðsson, barítónn, syngur einsöng og leiðir almennan safnaðarsöng, ásamt Jónasi Þóri, organista. Sungnir verða svokölluð "Jónasar-lög" en það eru lög eftir okkar eina sanna Jónas Þóri.

Séra Danni flytur hugleiðingu og þjónar fyrir altari ásamt messuþjónum. 

Kvöldmessurnar í Bústaðakirkju eru heimilislegar og lágstemmdar. Litúrgían er einföld, þar sem Taize sálmar eru sungnir í stað hefðbundinnar miskunnarbænar og dýrðarsöngs. Textarnir, lestrarnir og bænirnar taka mið af árstímanum og einnig því að um kvöldmessu er að ræða. 

Verið hjartanlega velkomin í kvöldmessu í Bústaðakirkju.