Kvöldmessa fer fram í Bústaðakirkju sunnudagskvöldið 14. júlí nk. kl. 20. 

Margrét Hannesdóttir, sópran, syngur einsöng og leiðir almennan safnaðarsöng, ásamt Jónasi Þóri, organista. Séra Þorvaldur Víðisson flytur hugleiðingu og þjónar fyrir altari ásamt messuþjónum. 

Kvöldmessurnar í Bústaðakirkju eru heimilislegar og lágstemmdar. Litúrgían er einföld, þar sem Taize sálmar eru sungnir í stað hefðbundinnar miskunnarbænar og dýrðarsöngs. Textarnir, lestrarnir og bænirnar taka mið af árstímanum og einnig því að um kvöldmessu er að ræða. 

Verið hjartanlega velkomin í kvöldmessu í Bústaðakirkju.