Píslasagan verður lesin í guðsþjónustu föstudagsins langa í Grensáskirkju 18. apríl nk. kl. 11:00. Kirkjukór Grensáskirkju syngur undir stjórn Ástu Haraldsdóttur organista. Lesarar lesa píslasöguna ásamt séra Sigríði Kristínu Helgadóttur sem leiðir stundina. 

Frá skírdagskvöldi verður altarið afskrýtt, þ.e. allt sem venjulega prýðir altarið, Biblían, kertaljós, blóm, dúkar og klæði, verða fjarri, en í stað þeirra verða fimm rauðar rósir, sem minna á sár Krists á krossinum. 

Verið hjartanlega velkomin til þátttöku í helgihaldi Grensáskirkju á föstudaginn langa.