Séra Aldís Rut, séra Jón Ásgeir og séra Solveig Lára leysa af

Séra Aldís Rut Gísladóttir mun annast um afleysingarþjónustu í Fossvogsprestakalli næstu sex vikurnar. Afleysingin mun felast í þjónustu við kyrrðarstundir í hádegi, núvitundarstundir og helgihald á þjónustustofnunum í prestakallinu. Við fögnum séra Aldísi Rut og þökkum henni þátttökuna í prestsþjónustunni í prestakallinu. 

Séra Jón Ásgeir Sigurvinsson héraðsprestur mun annast um afleysingarþjónustu í Fossvogsprestakalli næstu sex vikurnar. Afleysingin mun einskorðast við þjónustu við kyrrðarstundir í hádegi og einstaka messuhald í Grensáskirkju. Við fögnum séra Jóni Ásgeiri og þökkum honum þátttökuna í prestsþjónustunni í prestakallinu. 

Séra Solveig Lára Guðmundsdóttir fv. vígslubiskup á Hólum mun annast um afleysingarþjónustu í Fossvogsprestakalli næstu tvær vikurnar. Afleysingin mun felast í þjónustu við kyrrðarstundir í hádegi, helgihald í Bústaðakirkju 8. janúar nk. og viðveru í Grensáskirkju til 14. janúar nk. Við fögnum séra Solveig Láru og þökkum henni þátttökuna í prestsþjónustunni í prestakallinu.