Ný sálmabók fyrir gamla, leggðu þitt að mörkum

Ný sálmabók íslensku þjóðkirkjunnar er komin út. Útgáfan er þrekvirki sem mun glæða kirkjustarf þjóðkirkjunnar og trúarlíf á Íslandi á komandi árum. Söfnuðir kirkjunnar hafa flestir pantað sálmabókina og munu fjárfesta í hundruðum slíkra eintaka til notkunar í helgihaldi safnaðanna.

Þér og öðrum áhugasömum gefst nú tækifæri á að létta undir þau kaup með kirkjunni þinni í Fossvogsprestakalli. Eintakið kostar kirkjuna í forsölu kr. 5.000.- og með slíku framlagi frá þér eignast kirkjan hina nýju sálmabók.

Hvað færð þú?

Jú, fyrst og fremst er það gleðin yfir því að fá tækifæri til að styðja kirkjuna þína með þessum hætti. En jafnframt færð þú til eignar gömlu sálmabókina úr kirkjunni þinni, ásamt því að nafn þitt verður ritað á lista með nöfnum allra þeirra styrktaraðila sem stóðu að fjármögnun kirkjunnar þinnar á sálmabókinni.

Hvernig?

Þú getur komið í kirkjuna þína í Fossvogsprestakalli, Grensáskirkju og/eða Bústaðakirkju, þar sem tekið verður á móti fjárstuðningnum og einnig nafni þess sem skrá skal á listann yfir stuðningsaðila. Einnig er hægt að gera þetta með rafrænum hætti, þ.e.a.s. fjárstuðninginn, kr. 5.000.- er hægt að leggja inn á eftirfarandi reikninga:

Bústaðakirkja:

Kt. 490169-6959

Reikn. 526-26-6959

Grensáskirkja:

Kt. 580169-2289

Reikn. 0130-26-800480

Í skýringu skal svo setja nafn þess sem rita skal á lista yfir stuðningsaðila, og skýringin send á netfang framkvæmdastjóra prestakallsins, asbjorn@kirkja.is.

Tekið verður við fjárframlögum til verkefnisins til áramóta.

Stuðningur þinn skiptir miklu máli. Verið hjartanlega velkomin að taka þátt í verkefninu með okkur.

F.h. sóknarnefnda og starfsfólks Fossvogsprestakalls, Bústaðakirkju og Grensáskirkju,

Ásbjörn Björnsson, framkvæmdastjóri, asbjorn@kirkja.is, fs. 893-0353

Séra Eva Björk Valdimarsdóttir, eva@kirkja.is, fs. 822-3832 

Séra María G. Ágústsdóttir, maria@kirkja.is, fs. 867-0647

Séra Þorvaldur Víðisson, thorvaldur@kirkja.is, fs. 856-1505