Rebbi refur og Fróði
Barnamessurnar fara fram í Bústaðakirkju á hverjum sunnudegi kl. 11. Síðasta sunnudag heimsóttu Rebbi refur og Fróði okkur og fræddu okkur um upprisuboðskapinn.
Í barnamessunum syngjum við barnasálmana og sunnudagaskólalögin. Við lærum faðir-vorið, trúarjátninguna og fleira gagnlegt. Eins kíkjum við í fjársjóðskistuna og stundum förum við í leiki. Afmælisbörn dagsins fá glaðning.
Gleði og gott samfélag á nótum barnanna er í forgrunni.
Að stundinni lokinni er boðið upp á léttar veitingar, ávexti, djús og kaffi í safnaðarheimilinu, þar sem hægt er að lita og teikna og leika sér.
Hilda, Iðunn, Jónas og Þorvaldur
Hilda, Iðunn, Jónas Þórir og Þorvaldur önnuðust um stundina síðasta sunnudag. Hér er Hilda í pontu að fræða viðstadda um upprisuboðskap páskanna.
Hlökkum til að sjá ykkur, verið hjartanlega velkomin í barnamessu í Bústaðakirkju.