![](/sites/default/files/styles/squared_small/public/2024-05/audur_palsdottir_grensaskirkju_26._mai_2024.jpg?h=5406f6a7&itok=SWIuuGC6)
Auður Pálsdóttir guðfræðinemi
Auður Pálsdóttir guðfræðinemi leiddi helgihaldið í Grensáskirkju og í Bústaðakirkju sunnudaginn 26. maí sl.
Auður er í langt komin með mag.theol. nám við Guðfræði- og trúarbragðafræðideild Háskóla Íslands og er í starfsnámi hjá séra Þorvaldi Víðissyni.
Hefðbundin messa fór fram í Grensáskirkju kl. 11 þar sem Auður leiddi stundina, Kirkjukór Grensáskirkju söng undir stjórn Ástu Haraldsdóttur, messuþjónar lásu ritningarlestra og séra Þorvaldur Víðisson prédikaði.
Kvöldmessa fór fram í Bústaðakirkju kl. 20 þar sem Auður leiddi stundina, Guðjón Viðar leiddi almennan safnaðarsöng við undirleik Ástu Haraldsdóttur, messuþjónar lásu upphafsbæn og ritningarlestra og séra Þorvaldur Víðisson flutti hugvekju.
Á myndinni er Auður fyrir framan altarið í Grensáskirkju.
Við þökkum öllum þátttökuna í helgihaldi Fossvogsprestakalls um helgina.
Verið hjartanlega velkomin í Bústaðakirkju og Grensáskirkju.