Sunnudaginn 24. september nk. kl. 13 fer fram guðsþjónusta í Bústaðakirkju. Félagar úr Kammerkór Bústaðakirkju syngja við undirleik Antoníu Hevesí, sem leikur á orgel. Séra Þorvaldur Víðisson prédikar og þjónar fyrir altari, ásamt messuþjónum. 

Í guðspjallatexta dagsins er sagt frá því er Jesús reisir Lasarus frá dauðum. Þar mælir Jesús eftirfarandi orð, sem jafnan eru lesin í öllum útförum í kirkjum landsins: "Ég er upprisan og lífið. Sá sem trúir á mig mun lifa þótt hann deyi. Og hver sem lifir og trúir á mig mun aldrei að eilífu deyja." 

Verið hjartanlega velkomin til helgihalds í Bústaðakirkju.