Sumardagurinn fyrsti verður haldinn hátíðlegur í Fossvogi, líkt og venja er. Víkingar annast um grill og fjölskylduskemmtun í Víkinni að lokinni stund í Bústaðakirkju og skrúðgöngu. 

Myndlistarsýning leikskólabarna úr leikskólum hverfisins fer fram í anddyri Bústaðakirkju og opnar kirkjan kl. 11. 

Dagskrá hefst svo í Bústaðakirkju kl. 11:30 þar sem Skólahljómsveit Austurbæjar spilar, Ketill Ágústsson flytur tónlistaratriði og Hjalti Guðmundsson formaður nemendaráðs Réttarholtsskóla flytur ávarp. 

Um klukkan 12:00 hefst skrúðganga frá Bústaðakirkju, þar sem Skátafélagið Garðbúar leiðir gönguna með fánaborg og Skólahljómsveit Austurbæjar spilar undir. Gengið verður eftir Bústaðavegi og niður Stjörnugróf að Víkinni. 

Fjölskylduskemmtun hefst í Víkinni um kl. 12:15. Grillaðar verða pylsur og boðið verður upp á kaffi og kleinur, hoppukastala fyrir börnin og andlitsmálun og fleira. 

Dagskráin er skipulögð af fulltrúum frá Knattspyrnufélaginu Víking, Reykjavíkurborg, félagsmiðstöðinni Bústöðum, Bústaðakirkju, leikskólum hverfisins, Skátafélaginu Garðbúum, Skólahljómsveit Austurbæjar og foreldrafélögum skólanna. Krambúðum gefur pylsur og meðlæti til hátíðarinnar. 

Verið hjartanlega velkomin til þátttöku í dagskrá Sumardagsins fyrsta í Fossvogs- og Bústaðahverfi.