Listahátíð barnanna fer fram í Bústaðakirkju sunnudaginn 30. október kl. 11. Barnakór frá Tónlistarskólunum TónGraf og TónFoss, sem starfa í Bústaðakirkju, munu syngja undir stjórn Eddu Austmann og Auðar Guðjónsen. Jónas Þórir kantor kirkjunnar verður á hammondinu og flyglinum, barnasálmarnir sungnir. Sólveig Franklínsdóttir æskulýðsfulltrúi leiðir stundina ásamt séra Þorvaldi Víðissyni og leiðtogum. Biblíusagan, fjársjóðskistan og bænirnar á sínum stað. Að lokinni barnamessu verður ávaxtastund í safnaðarheimilinu þar sem boðið verður upp á liti og iðju við hæfi barnanna. Verið hjartanlega velkomin í barnamessu og listahátíð barnanna í Bústaðakirkju.