Guðsþjónusta fer fram í Bústaðakirkju sunnudaginn 3. nóvember nk. kl. 13:00. Séra Sigríður Kristín Helgadóttir þjónar fyrir altari ásamt messuþjónum. 

Sigurbjörn Þorkelsson prédikar, í tilefni af útgáfu bókar sinnar Kærleikur og friður. Í tengslum við guðsþjónustuna verður því útgáfuhátíð. 

Kammerkór Bústaðakirkju syngur undir stjórn Jónasar Þóris. Laufey Geirlaugsdóttir syngur og Matthías Stefánsson leikur á fiðlu og Bjarni Sveinbjörnsson á bassa. Jóhann Helgason tónskáld og tónlistarmaður syngur einnig eigin lög við texta Sigurbjörns úr bókinni góðu sem verður fagnað á þessum degi. 

Bókin Kærleikur og friður inniheldur 100 ljóð Sigurbjörns en einnig birtast lög Jóhanns Helgasonar, Jónasar Þóris, Stefáns Birkissonar og Helgu Þórdísar Guðmundsdóttur sem þau hafa samið við ljóð Sigurbjörns í bókinni, í útsetningum fyrir kóra og einsöngvara. Notkun útsetninganna er öllu tónlistarfólki heimil án endurgjalds. 

Verið hjartanlega velkomin í Bústaðakirkju til helgihalds og útgáfuhátíðar.