Kyrrðarstund fer fram í Bústaðakirkju, fimmtudaginn 10. september nk. kl. 20, á alþjóðadegi sjálfsvígsforvarna. Dagskráin er hluti af Gulum september, sem er samstarfsverkefni stofnana og félagasamtaka sem vinna að geðrækt og sjálfsvígsforvörnum. 

Séra Sigríður Kristín Helgadóttir leiðir stundina. 

Eva Skarpaas flytur opnunarávarp og kynnir dagskrána. 

Séra Vigfús Bjarni Albertsson og Eva Skarpaas flytja hugvekjur. 

Guðmundur Pétursson og Ragnheiður Gröndal flytja tónlist. 

Kveikt verður á kertum til minningar um ástvini. 

Kór tónlistarskóla FÍH syngur undir stjórn Unu Stefánsdóttur. 

Slökkvilið höfuðborgarsvæðisins stendur heiðursvörð. 

Að kyrrðarstundinni lokinni verður boðið upp á kaffi og veitingar og gestum gefst kostur á að eiga saman rólega samverustund. 

Verið hjartanlega velkomin í Bústaðakirkju í Gulum september.