Við byrjun aðventuna í Bústaðakirkju með fjölskyldumessu kl. 11, sunnudaginn 3. desember. Við munum syngja saman sunnudagaskólalögin og aðventusálma í bland, en allir aldurshópar ættu að finna sér eitthvað við hæfi í messunni. Stundina leiða sr. Danni og Kata ásamt messuþjónum. Jónas Þórir verður á flyglinum. 

Fyrsti sunnudagur í aðventu er jafnframt afmælisdagur Bústaðakirkju. Í tilefni þess mun sóknarnefnd kirkjunnar bjóða upp á vöfflukaffi eftir messuna. 

Um kvöldið er svo aðventuhátíð kirkjunnar, kl. 17. Þar verður boðið upp á metnaðarfulla tónlistardagskrá og Einar Þorsteinsson, formaður borgarráðs og næsti borgarstjóri Reykjavíkur, flytur hátíðarræðu.

Við vekjum athhygli á því að það er engin guðsþjónusta kl. 13 á aðventunni.