Messa fer fram í Grensáskirkju á þrenningarhátíð, sunnudaginn 15. júní nk. kl. 11:00. Kirkjukór Grensáskirkju syngur, organisti Hjörtur Ingvi Jóhannsson. Séra Þorvaldur Víðisson prédikar og þjónar fyrir altari ásamt messuþjónum. Gengið verður til altaris. 

Á þessum sunnudegi kirkjuársins er haldið upp á svokallaða þrenningarhátíð. Þá er lesið úr þriðja kafla Jóhannesarguðspjalls er Nikódemus talar við Jesú um endurfæðingu, þ.e. að maðurinn verði að fæðast að nýju til að komast í Guðs ríki, eins og segir í textanum. 

Verið hjartanlega velkomin til messu í Grensáskirkju á þrenningarhátíð í kirkjunni.