Fyrsta kvöldmessan á þessu sumri í Bústaðakirkju fer fram á Hvítasunnudag, 28. maí nk. kl. 20:00. Séra Þorvaldur Víðisson prédikar og þjónar fyrir altari ásamt messuþjónum. Félagar úr Kammerkór Bústaðakirkju syngja við undirleik Antoníu Hevesí. 

Í pistli Hvítasunnudags segir m.a.: "En við höfum ekki hlotið anda heimsins heldur andann sem er frá Guði, til þess að við skulum vita hvað Guð hefur gefið okkur. Enda segjum við það ekki með orðum sem mannlegur vísdómur kennir heldur með orðum sem andi Guðs kennir og útlistum andleg efni á andlegan hátt. Jarðbundinn maður hafnar því sem andi Guðs boðar, honum er það heimska. Hann getur ekki skilið það af því að andinn veitir skilninginn. En sá sem hefur andann dæmir um allt en enginn getur dæmt um hann. Því að hver hefur þekkt huga Drottins að hann geti frætt hann? En við höfum huga Krists."

Verið hjartanlega velkomin í Bústaðakirkju.