Guðsþjónusta fer fram í Bústaðakirkju á föstudaginn langa, 18. apríl 2025 kl. 13:00. Bernadett Hegyi syngur einsöng. Jónas Þórir leikur á orgel og flygil. Hjörleifur Valsson leikur á fiðlu. Séra Þorvaldur Víðisson leiðir stundina ásamt messuþjónum. Píslasagan verður lesin. 

Í guðsþjónustu föstudagsins langa hefur altarið afskrýtt, frá skírdagskvöldi, sem þýðir að allt sem venjulega prýðir altarið er fjarri. Biblían, kertin, blómavasar, klæði og dúkar, allt er á brott, en í staðin verður altarið hulið svörtu klæði. Ofan á svarta klæðinu verða fimm rauðar rósir, sem eiga að tákna fimm sár Jesú á krossinum. 

Verið hjartanlega velkomin til þátttöku í helgihaldi í Bústaðakirkju á föstudaginn langa.