4. sunnudagur í föstu - Brauð lífsins
Sunnudaginn 15. mars verður sunnudagaskóli kl. 11 og guðsþjónusta kl. 13 í Bústaðakirkju.
Í sunnudagaskólanum heyrum við skemmtilega sögu, við syngjum sunnudagaskólalögin og bregðum á leik. Við spennur greipar og biðjum bænirnar saman. Stundina leiðir reyndur leiðtogi og Jónas Þórir situr við flygilinn og leikur listir sínar.
Í guðsþjónustu kl. 13 fáum við góða gesti í heimsókn. Fyrrum félagar í kór Lágafellskirkju líta við og gleðja viðstadda með söng. Sr. Sigríður Kristín þjónar fyrir altari. Heitt verður á könnunni og gefst þá tími til að spjalla um daginn og veginn.
Tendrum friðarljósin á bænaaltari kirkjunnar.
Verið hjartanlega velkomin í Bústaðakirkju.
Vers vikunnar:
„Ef hveitikornið fellur ekki í jörðina og deyr verður það áfram eitt. En ef það deyr ber það mikinn ávöxt.” (Jóh 12.24)