![](/sites/default/files/styles/squared_small/public/2024-02/117fcc93-a89f-4950-ab4f-3f06e0b551d7.jpeg.jpg?itok=wMMcDU3t)
Hvað varð til þess að Hjálparstarf kirkjunnar var stofnað?
Vinir Hjálparstarfs kirkjunnar koma saman í safnaðarheimili Grensáskirkju mánudaginn 29. apríl kl. 12:00 og snæða saman. Öll sem áhuga hafa á starfi Hjálparstarfs kirkjunnar og vilja leggja starfinu lið eru hjartanlega velkomin.
Skráning
Tilkynna þarf þátttöku á netfangið help@help.is eða í síma 528 4400 fyrir kl. 9:00 fimmtudaginn 25. apríl. Verð fyrir máltíðina er 3.000 kr. og mun afraksturinn renna til Hjálparstarfs kirkjunnar. Að þessu sinni mun Kristín Hraundal kirkjuvörður Grensáskirkju annast um matinn og elda bjúgu og uppstúf fyrir viðstadda.
Nýjar og áhugaverðar upplýsingar
Yfir hádegisverðinum mun Ólafur Egilsson fyrrum sendiherra, segja frá upphafi Hjálparstarfs kirkjunnar og tilurð þess að starfsemin var sett á laggirnar. Mögulegt verður að eiga samtal um hið ómetanlega starf Hjálparstarfs kirkjunnar hérlendis og erlendis.
Hugmyndin
Hugmyndin að baki samverunum er að fólk geti hist stutt í hádeginu, borðað saman og rætt málefni Hjálparstarfs kirkjunnar og hvernig hver og einn og hópurinn í heild sinni geti stutt við starfið.
Hjartanlega velkomin
Öll sem hafa áhuga á starfi Hjálparstarfs kirkjunnar og vilja leggja starfinu lið eru hjartanlega velkomin.