Eyjamessa fer fram í Bústaðakirkju sunnudaginn 26. janúar nk. kl. 13:00. Félagar úr Kammerkór Bústaðakirkju syngja undir stjórn Ástu Haraldsdóttur organista. 

Séra Þorvaldur Víðisson þjónar fyrir altari ásamt messuþjónum. Eyjamaðurinn Andri Eyvindsson spilar og syngur þrjú Eyjalög. Jóhanna Hermannsen og Þorsteinn Lýðsson lesa ritningarlestra. 

Séra Kristján Björnsson vígslubiskup í Skálholti og fv. sóknarprestur í Vestmannaeyjum prédikar og blessar söfnuðinn í lok stundarinnar. 

Að lokinni messu verður hið árlega goskaffi í boði ÁtVR. Þar mun Guðrún Erlingsdóttir leiða pallborðsumræður um hvernig það var að vera barn í kjölfar eldgossins í Vestmannaeyjum. Íris Róbertsdóttir bæjarstjóri í Vestmannaeyjum tekur þátt í pallborðinu ásamt fleirum.

Verið hjartanlega velkomin í Eyjamessu í Bústaðakirkju.