Foreldramorgnar fara fram hvern fimmtudag kl. 10 í Bústaðakirkju, gengið er inn af Bústaðavegi. Fimmtudaginn 16. mars nk. kl. 10 mun Elín Elísabet Jóhannsdóttir fjölskyldu- og uppeldisfræðingur koma í heimsókn og ræða um það að "finna ró í ólgusjó". Hún mun ræða um kerfin þrjú: Sefkerfið, drifkerfið og streitukerfið. Hér beinist athyglin að okkur fullorðna fólkinu og því hvernig við getum hlúð að okkur sjálfum í þeim krefjandi aðstæðum sem geta komið upp í foreldrahlutverkinu. Verið hjartanlega velkomin.