Á sunnudaginn er að venju guðsþjónusta kl. 13 í Bústaðakirkju.  

Vers vikunnar á kirkjan.is er fengið úr Fyrsta Jóhannesarbréfi en þar stendur skrifað: 

"Og þetta boðorð höfum við frá honum, að sá sem elskar Guð á einnig að elska bróður sinn og systur." (1.Jóh 4.21).  

Við hugleiðum lestra dagsins og sameinumst í almennri kirkjubæn.  

Í fjarveru Jónas Þóris organista mun Bjössi Thor gítarleikari mæta og leika fyrir viðstadda bítla- og abbalög sem er í takt við yfirskrift bleiks októbers í Bústaðakirkju:  Friður og kærleikur. 

Sr. Sigríður þjónar fyrir altari og messuþjónar leiða viðstadda í bæn og lesa lestra dagsins. 

Verið öll hjartanlega velkomin í Bústaðakirkju.