Guðsþjónusta fer fram í Bleikum október í Bústaðakirkju, sunnudaginn 12. október nk. kl. 13:00. Félagar úr Kammerkór Bústaðakirkju syngja undir stjórn Jónasar Þóris organista. Á tónlistardagskránni þennan sunnudaginn verða m.a. Bítlalög sem er í samræmi við yfirskrift Bleiks október að þessu sinni sem er Stríð - friður og kærleikur. Þar er vísað til andsvars blómatímans við ógnum samtíma síns, en þar var það friður og kærleikur sem var boðskapurinn, sem er jú boðskapur kirkjunnar á öllum tímum. 

In my life, er eitt af þessum fallegu lögum, sem flutt verða í guðsþjónustunni. 

Séra Þorvaldur Víðisson prédikar og þjónar fyrir altari ásamt messuþjónum. 

Verið hjartanlega velkomin til guðsþjónustu í Bleikum október í Bústaðakirkju.