Aðventuhátíð Bústaðakirkju fer fram fyrsta sunnudag í aðventu, 30. nóvember nk. kl. 17:00. Fyrsti sunnudagur í aðventu er kirkjudagur Bústaðakirkju, en kirkjan var vígð þann dag árið 1971. 

Forseti Íslands, Halla Tómasdóttir, mun heiðra okkur með nærveru sinni og flytja hátíðarávarp. 

Barnakór Fossvogs mun syngja undir stjórn Auðar Guðjohnsen og Bjargar Pálsdóttur. 

Kammerkór Bústaðakirkju syngur undir stjórn Jónasar Þóris, organista. Ásamt honum verða í hljómsveit dagsins Bjarni Sveinbjörnsson á bassa, Einar Valur Scheving á trommur, Sigurður Flosason á saxafón og Hjörleifur Valsson á fiðlu. 

Edda Austmann Harðardóttir, Jóhann Friðgeir Valdimarsson, Bernadett Hegyi og Anna Sigríður Helgadóttir munu syngja einsöng. Þá munu Gréta Hergils Valdimarsdóttir, Edda Austmann Harðardóttir, og Svava Kristín Ingólfsdóttir, syngja tríó. Dúó syngja Marteinn Snævarr Sigurðsson og Gréta Hergils Valdimarsdóttir. 

Hólmfríður Ólafsdóttir djákni les ritningarlestur. 

Þórður Sigurðsson formaður sóknarnefndar flytur ávarp. 

Séra Laufey Brá Jónsdóttir, séra Sigríður Kristín Helgadóttir og séra Þorvaldur Víðisson munu leiða stundina. 

Messuþjónar aðstoða við innganginn, að afhenda kerti, og einnig við að tendra kertaljósin í lok stundarinnar. 

Verið hjartanlega velkomin á aðventuhátíð Bústaðakirkju.