Starf eldri borgara

 

Samverur eru á miðvikudögum kl 13:00-16:30 yfir vetrartímann.
Starfið hefst með haustferð miðvikudaginn 13. september, farið verður kl 13:00, skráning í kirkjunni í síma 553-8500 Miðvikudaginn 20. september hefst starfið í safnaðarheimilinu.
Hólmfríður Ólafsdóttir Djákni mun leiða starfið í vetur og með henni munu vera þær Laufey Kristjánsdóttir, og Þóra Minerva Hreiðarsdóttir
 
Hvað og hvernig ? 
Í vetur verður spilað og föndrað sem fyrr, framhaldssaga. Góðir gestir koma í heimsókn, sem miðla okkur af sjóðum sínum, syngja, segja frá og flytja fróðleg erindi, sóknarprestur eða djákni annast ritningarlestur og bæn. 
Gátan víðfræga verður á sínum stað og verðlaun veitt fyrir rétt svör. 
 
Sigurbjörg verður í eldhúsinu og töfrar fram meðlætið. 
 
Kaffið kostar kr. 500.- 
 
Bílamiðar kr. 500.- 
 
Átt þú ekki eitthvað í pokahorninu ? 
Öll eigum við okkar eigið pokahorn. Í því leynist oft fróðleikur og skemmtilegt efni, sem á sannarlega erindi til annarra. 
Við hvetjum ykkur til þess að koma með ykkar efni og deila því með okkur hinum á samverustundunum. 
Samverurnar verða skemmtilegri og innihaldsríkari ef við gefum eitthvað af okkur sjálfum. 
 
Ef þið viljið láta í ykkur heyra, þá endilega skrifið til holmfridur@kirkja.is    
 
Allar góðar hugmyndir eru vel þegnar.  Starfið verður enn betra ef við tölum saman í einlægni. 
 
Bílaþjónusta 
Þið sem óskið eftir að láta sækja ykkur fyrir samverustundirnar eru beðin að skrá ykkur hjá kirkjuvörðum. Síðan mun okkar ágæti Grétar koma og sækja ykkur. 
 
Kirkjuverðir sími 553 8500 
Hikið ekki við að nota bílaþjónustuna. 
 
Bústaðakirkja - kirkjan okkar ! 
Það er gott að hugleiða hvað kirkjan okkar merkir. Við erum kirkjan, söfnuðurinn, og eigum saman kirkjuhúsið og safnaðarheimilið. Það er enginn til þess að annast um kirkjuna nema við sjálf. 
Við glæðum hana lífi og vináttu með því að koma þar saman og njóta samverustundanna. Látum kirkjuna vera okkar annað heimili.
 
Heimasíða Bústaðakirkju er: 
 
 
Þar viljum við reyna að hafa allar upplýsingar um starfið og ýmsa aðra þætti. 
Myndir úr starfinu verða einnig á síðunni.