Barnamessur

 

Barnamessur eru alla sunnudaga yfir vetrartímann klukkan 11:00.  Hefst 11. september. Þar er komið saman sungið og leikið og eru foreldrar hvattir til þátttöku. Umsjón með barnamessum hafa Hreiðar Örn Stefánsson, Ragnar Bjarni Jónas Þórir ásamt  sr. Pálma.
Börnin læra morgunversin, sem farið er með í upphafi hverrar samveru: 
Vertu, Guð faðir, faðir minn 
í frelsarans Jesú nafni, 
hönd þín leiði mig út og inn 
svo allri synd ég hafni. 
 
Nú er ég klæddur og kominn á ról, 
Kristur Jesús veri mitt skjól, 
í guðsóttanum gefðu mér 
að ganga í dag svo líki þér. 
Mikilvægt er að kenna börnunum stafróf bænarinnar; 
spenna greipar, lúta höfði, og loka augunum. 
 
Þetta gerum við til að einbeita okkur. Festa hendur saman til þess að vera ekki með þær á hreyfingu. Lúta höfði til að sýna lotningu og forða því að vera með höfuðið á hreyfingu. Loka augum til þess að láta umhverfið ekki taka athygli okkar. 
Söngurinn er tjáning lofgjörðar og þakklætis, jafnframt því að geta verið bænin okkar.
Bænin er einlægt samtal okkar við Guð. Hún er samtal tveggja vina, sem vilja rækta samband sitt.
 Guð hefur gefið okkur lífið og hann víkur aldrei af vegi vináttunnar. Við erum reikul á þeim vegi en viljum reyna og viljum leggja okkur fram.